«Կոնկրետ այս թեմայի քննարկումն ինքս պատեհ չհամարեցի բրյուսելյան հարթակում». Նիկոլ Փաշինյան

Կառավարության նիստի սկզբում վարչապետ Նիկոլ Փաշինյանն անդրադարձավ երեկվա եռակողմ հանդիպմանն ու հայտարարեց, որ երկու հարցի վերաբերյալ կայացվել է որոշում. «ԱԳ նախարարներին հանձնարարվել է սկսել ապագա խաղաղության պայմանագրի նախապատրաստման աշխատանքները: Սա նշանակում է, որ խաղաղության պայմանագրի վերաբերյալ Հայաստանի ու Ադրբեջանի ներկայացրած սկզբունքներն ու հարցերը պետք է ի մի բերվեն ու բանակցությունների արդյունքներով հասցեագրվեն... Քննարկում եղավ ԼՂ-ում անվտանգային միջավայրի վատթարացման վերաբերյալ՝ մասնավորապես՝ Փառուխի դեպքեր շուրջ, բայց այդ քննարկումները չհանգեցրին իրավիճակի միասնական գնահատականի: Կոնկրետ այս թեմայի հետագա քննարկումն ինքս պատեհ չհամարեցի բրյուսելյան հարթակում, որովհետև խոսքը ԼՂ-ում ՌԴ խաղաղապահ առաքելության պատասխանատվության գոտի՝ ադրբեջանական ստորաբաժանումների ներխուժման մասին է, որը պետք է քննարկվի ՌԴ գործընկերների մասնակցությամբ, ինչը անում ենք ու կանենք: Հաջորդ որոշումը, որ կայացվեց, մինչև ապրիլի վերջ սահմանների դելիմիտացիայի հարցերով երկկողմ հանձնաժողով ստեղծելու մասին էր»,- ասաց Փաշինյանը: