Ռեժիսոր, մուլտիպլիկատոր Արման Յարալյանը ֆեյսբուքյան իր էջում գրել է. «Մեր կոնֆլիկտը նոր փուլ ա մտնում, ԱՄՆ քավորությամբ և Եվրոպայի ձեռքերով ոչնչացրին Մինսկի խմբի ֆորմատը, դա եղավ էն բանից հետո, երբ Ադրբեջանը հերթական անգամ խախտեց նոյեմբերի 9-ի համաձայնագիրը, մտավ ռուս խաղաղապահների պատասխանատվության տարածք՝ այն էլ խախտելով ռուսների առաջարկած հայելային հետ քաշվելու պայմանը, այլ կերպ ասած՝ կրկնակի կակաշիկի առաջ կանգնեցնելով ռուսներին, սա առաջին հայացքից։ Սրան հաջորդեց Միրզոյանց Արոյի դիմումը Մինսկի խմբի անդամներին, որ գնահատեն, քար լռություն, իսկ Արոն ինքնագլուխ չէր անում, դա ռսների առաջարկն էր, որ Ուկրաինական կոնֆլիկտի ֆոնին Արցախի զգայուն թեմայով համագործակցության էֆեկտ ստանան, ինչին հաջորդեց ռուսներին տուպը պրոցեսից դուրս թողնելը։ Մեխանիզմների տեսանկյունից սա շատ վտանգավոր խաղ էր, եթե Ադրբեջանի վրա ինչ-ինչ լծակներ կան, ապա ավելի բարդ ա լինելու ռուսական կողմի հետ, երբ անկյուն ես մղում։ Վախտին պարսկական կողմին թեմայից հեռացրին Շուշին հայերի կողմից վերցնելու միջոցով, պարսկական կողմը միջնորդ էր Հայաստանի և Ադրբեջանի միջև, գրավելու օրը ՀՀ նախագահն ու Ադրբեջանի նախագահը հանդիպում էին Թեհրանում։ Շուշին կորցնելուց հետո Ադրբեջանը պոզերը տնկեց ու հրաժարվեց Իրանին որպես միջնորդ ճանաչել, այսպիսով ԵԱՀԿ-ն ու ռուսները համատեղ լուծեցին Իրանին թեմայից մեկուսացնելու հարցը։ Հիմա, երբ ռուսական զորքն Արցախում ա, միակ մանդատը իրավական ուժ չունեցող համաձայնությունն ա, Մինսկի խումբն էլ փաստացի հանել են օդերով ու ռուսներին իբրև հեռացրել միջնորդի կարգավիճակից. սա կարա մի քանի բան նշանակի, կամ իսկապես կա մեխանիզմ առանց ռուսների որոշակի ստատուսքվոյի հասնելու, առանց կոնֆլիկտը մարելու, կամ ոնց միշտ են անում՝ ռուսներին նոր միջավայրեր են հրավիրում, անում են առաջարկներ, որոնցից չի կարող հրաժարվել, ինչպես չկարողացավ հրաժարվել Սիրիա մտնելուց, Արցախ մտնելուց, Ուկրաինա մտնելուց։ Փաստացի Ադրբեջանի ձեռքերը բռնող բոլոր մեխանիզմներն իրավական մակարդակում ոչնչացված են, հիմա կողմերին մանյովրելու շատ տեղ չկա։ Չի բացառվում, որ մեր մսի հաշվին թազա խաղեր տան, բայց իրականում ինչ են եփում՝ անհասկանալի ա։ Ալիևի համար էլ ա շատ վտանգավոր իրավիճակ, նա լավ հիշում ա, թե ոնց Սադամին ամերիկացիք հրահրեցին մտնի Քուվեյթ ու բռնին կախաղան հանեցին։ Արևմտյան կողմի հետ վտանգավոր ա թե ընկերությունը, թե թշնամությունը, էսօր նավթդ գովում են, վաղը կարան սրսկեն երակներիդ մեջ։ Կարճ ասած՝ գնալով ավելի անկանխատեսելի ա դառնում թե մեզ համար, թե Ադրբեջանի։ Սա չվերացող կոնֆլիկտ ա, որի տերը ոչ մենք ենք, ոչ Ադրբեջանը, երբ երկու կողմում էլ սա գիտակցվի, գուցե հնարավոր լինի ալտերնատիվ լուծումներ գտնվի։ Սա ամենից անհավանական տարբերակն ա, առնվազն բանակցային սաղ պրոցեսը դրա մասին ա, որ արտաքուստ ասել են բարիշեք, բայց արել հնարավորը, որ դա տեղի չունենա։ Ուզում ես գլուխդ չցավա՝ գիտություն զարգացրու իր բոլոր դրսևորումներով»:
