«Մարտի 1-ի զոհերն ինքնասպա՞ն են եղել, որ նրանց սպանության գործերով մեղադրյալներ չկան». Ոսկան Սարգսյան

Լրագրող Ոսկան Սարգսյանը գրում է. «Վճռաբեկ դատարանը մարտի 1-ի գործով արդարացրել է Նիկոլ Փաշինյանին։ Մարտի 1-ի գործով Ռոբերտ Քոչարյանն էլ արդարացվեց, մարտի 1-ի 10 զոհերը մարտադաշտերի վերածված Երևանի փողոցներում ինքնասպա՞ն են եղել, որ նրանց սպանության գործերով մեղադրյալներ չկան, եթե ինքնասպան եղած լինեին, պետք է լինեին նրանց ինքնասպանության հասցնելու գործերով մեղադրյալներ։ 2016-ից գլխավոր դատախազ աշխատող Արթուր Դավթյանը ինչո՞ւ 2022-ին գլխի ընկավ Նիկոլ Փաշինյանին արդարացնելու գործով վճռաբեկ դատարան դիմել։ Քրեական գործերի վերաբերյալ իմ հոդվածներում վճռաբեկ դատարանի անունը փոքրատառով եմ գրում, որովհետև համարում եմ՝ մեծատառին արժանի չէ։ Հավանաբար վճռաբեկ դատարանը մեղադրական վճիռ կկայացնի Վարդան Մամիկոնյանի սպանության գործով պարսից «Մատյանի գնդի» փղերին հետմահու դատապարտելու վերաբերյալ»։