Վահագն Ալեքսանյանը պոկեց Սեյրան Օհանյանի փակցրած Արցախի դրոշը

«Երբ անփառունակությունը դառնում ա ճակատագիր, երբ տխմարաբանությունը դառնում ա ամենօրյա աշխատանք, պաշտպանության նախկին նախարարները ստիպված են լինում Արցախի դրոշով գալ ու էս դրոշը դնել ԱԺ ամբիոնում»,- արձագանքելով «Հայաստան» խմբակցության ղեկավար Սեյրան Օհանյանի ելույթին, ասաց ՔՊ-ական Վահագն Ալեքսանյանը։

«Դնել էն ժամանակ, երբ որ 30 տարի շարունակ էս դրոշը ճիշտ տեղերում դնելու փոխարեն ու էս դրոշի ամրությունն ապահովելու փոխարեն զբաղված են եղել թալանով։ Գան էստեղ, պոպուլիստական ելույթներ ունենան՝ թե իբր իրանք Արցախ, Հայաստան պահող են ու մտահոգներ են, բայց իրականում 30 տարի էդ նույն բառերը գոչելով՝ ընդամենը հարստացնեն սեփական գրպաններն ու սեփական ընտանիքների գրպանները»,- ասաց Ալեքսանյանը։