«Պարտադիր պետք էր գալ, գրանցվել, հետո ասել, որ սա քաղաքական ակցիա է, բացակաները համարել հարգելի և աշխատավարձից չպահել»․ Ա․ Սիմոնյան

«Ձեզ թվում է՝ ինչի՞ էին այսօր բոլորն այստեղ հավաքված հայտարարություն անում և դուրս գալիս, որպեսզի սեղմվի այն կոճակը, որն ապահովու է աշխատավարձի մուտքերը պատգամավորների հաշվին»,- ընդդիմության այսօրվա բոյկոտի մասին ամբիոնից ասաց ԱԺ նախագահ Ալեն Սիմոնյանը։

«Խմբակցությունը կարող էր հանգիստ հայտարարություն տարածել և ընդհանրապես չգալ այս դահլիճ։ Բայց չէ՛, պարտադիր պետք էր գալ, գրանցվել, հետո դիմել աշխատակազմին՝ ասելով, որ սա քաղաքական ակցիա է, խնդրում եմ մեր բացակաները համարել հարգելի և աշխատավարձից չպահել։ Էս ա մեր էսօրվա ընդդիմությունը»,- նշեց նա։