«Մտածել ենք, որ բանակը մի ուրիշ ընտանիք է, պետք չի շատ մտնել այդ ընտանիքի ներքին հարցերը խառնել»․ վարչապետ

«Երբ որ 2018 թվականին ոչ բռնի, թավշյա ժողովրդական հեղափոխությունը տեղի ունեցավ, մենք բանակում մեր քաղաքական թիմից մի հոգի չենք նշանակել»,- այսօր ԱԺ-ում՝ ելույթի ժամանակ, հայտարարեց վարչապետ Նիկոլ Փաշինյանը։

«Նախարարը եղել է Սերժ Սարգսյանի կառավարության անդամ, նախկինում Պաշտպանության նախարարի առաջին տեղակալ, հեղափոխության պահին ԱԻ նախարար»,- նշեց նա։

«Մենք մտածել ենք, որ բանակը, այնուամենայնիվ, մի ուրիշ ընտանիք է, պետք չի շատ մտնել այդ ընտանիքի ներքին հարցերը խառնել։ Հասկանալով, որ վտանգ կա ամեն պահի, որ կարող ա էսկալացիա լինել, էս գիտակցումով մենք դա չենք արել, բայց երևի էդ էլ ենք սխալ արել»,- նկատեց վարչապետը։

«Ես առաջին անգամ պատերազմի մեկնարկից մի քանի օր հետ ո եմ իմացել, որ մեր բանակում կա սաղավարտի ու բաճկոնի խնդիր»,- ասաց Փաշինյանը։