«Ինքնախոստովանությունից հետո ցանկացած բանական ղեկավար կասեր` կներե՛ք, ես հեռանում եմ»․ Էլինար Վարդանյան

«Հայաստան» խմբակցության պատգամավոր Էլինար Վարդանյանի գրառումը․ «ԱԺ այսօրվա հանգավորված, պոետիկ երանգով «հանձնելով գուցե կփրկեի հազարավոր կյանքեր, իսկ չհանձնելով, փաստորեն, հազարավոր զոհերի հանգեցրած որոշումների հեղինակ դարձա» ինքնախոստովանությունից հետո, երկրի ցանկացած բանական ղեկավար կասեր՝ կներեք, ես հեռանում եմ: Բայց Նիկոլը դա չարեց:
Դա նրան կպարտադրեր ցանկացած բանական թիմ, բայց իր թիմը դա չի անի։
Այս փաստի համար նրանից պետք է պատասխան պահանջեն հազարավոր զոհերի ծնողները, հանրությունը, մենք:
Կամ մենք սա կգիտակցենք, կամ նրա հետ միասին կկիսենք մեղավորությունը. և դա ազնիվ կլինի»։