Զախարովան՝ ընդդիմադիր պատգամավորների մուտքն Արցախ չթույլատրելու մասին

ՌԴ ԱԳՆ պաշտոնական ներկայացուցիչ Մարիա Զախարովան, լրատվամիջոցների հետ զրույցում անդրադառնալով ՀՀ ԱԺ ընդդիմադիր պատգամավորների՝ Արցախ մուտքի արգելքին, ասել է. «Ռուսական խաղաղապահ զորախումբը գործում է Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի հայտարարության դրույթներին համապատասխան։ Այդ այցը նախապես համաձայնեցված չի եղել խաղաղապահ զորախմբի հրամանատարության հետ։

Կարծում ենք, որ ռուս խաղաղապահների գործողությունների մասին հայտարարությունները, որոնք իբր հակասում են 2020 թվականի նոյեմբերի 9-ի հայտարարության դրույթներին, չեն համապատասխանում իրականությանը»:

Զախարովայի հետ հարցազրույցը հրապարակվել է ՌԴ ԱԳՆ պաշտոնական կայքում:

Հիշեցնենք, որ ՀՀ ԱԳ նախարար Արարատ Միրզոյանը երեկ հայտարարել էր, որ ընդդիմադիր պատգամավորների մուտքն Արցախ չի թույլատրվել սադրանքներից զերծ մնալու նկատառումներով: