«Այն, ինչ արվում էր թաքուն, բացահայտվեց»․ Արցախի ԱԺ պատգամավոր

«Մեզ համար զարմանալի ու անակնկալ չէին ՀՀ վարչապետի ելույթում հնչեցրած թեզերը։ Այն, ինչ արվում էր թաքուն, բացահայտվեց։ Այն, ինչ չէր հաջողվել տասնամյակներ, հիմա փորձում են առիթը չկորցնել։ Խղճահարության դրվագներ ստեղծող առաջնորդը չի կարող լինել իմ և ձեր, այն հպարտ ժողովրդի առաջնորդը, որ 1988 թվականին նորից որդեգրեց ազգային–ազատագրական պայքարի գաղափարն ու տեսլականը՝ ունենալով հաջողությունների ու կորուստների շարք, տալով բազմաթիվ զոհեր, չընկճվելով, չհուսահատվելով, գիտակցելով, թե հանուն ինչ նպատակի համար է այդ ամենը»,– Արցախի ԱԺ արտահերթ նիստի ժամանակ հայտարարեց ՀՅԴ խմբակցության պատգամավոր Դավիթ Իշխանյանը՝ հավելելով, որ «խաղաղության» դարաշրջանի քողի տակ հրահրում են նոր պատերազմ։