«Աղդամի թալանից ու վաճառքից քանի՞ տոկոսն է ներդրվել, որ էսօր Արցախը հայկական մնա». Վ. Թոքմաջյան

Պատմաբան Վահրամ Թոքմաջյանի գրառումը. «Նախորդ գրառումս շատերը դիտարկեցին պրոիշխանական։ Ինչ ասեմ, էդ ձև է հասկանալու չափը, որ էս օրին ենք։ Ստեղծված իրավիճակի համար մեղավոր է թե՛ իշխանությունը, թե՛ գործող ընդդիմությունը։ Արցախի հարցում մեկը մյուսի գոյաբանական շարունակությունն է։ Բնականաբար, իշխանությունը կրկնակի մեղավոր է, քանի որ իշխանություն է։
Շատ խմբեր, մինչև հիմա պատրաստ են անել նույնը՝ իրենց տաքուկ դիվաններին նստած կոտորվելու ուղարկել սերունդներ, միայն թե հայրենասեր երևան։
Չեք պատկերացնի, թե ինչ հաճելի է կարճ հագած աչոնների ներկայությամբ ճամարտակել հայրենասիրությունից ու հատկապես երրորդ բաժակից հետո հայրենազուրկ ողբերգակի արարը խաղարկել։ Շարքը կարելի է շարունակել, բայց հավես չկա։
Նորից ակտուալ հարց կրկնեմ՝ Աղդամի թալանից ու վաճառքից քանի տոկոսն է ներդրվել, որ էսօր Արցախը հայկական մնա։
ՀՀ քանի՞ ղեկավար է քաջություն ունեցել Արցախի հարցում բաց խոսել ժողովրդի հետ ի սկզբանե, ոչ թե աղետից հետո։ Ընդհանրապես, հայերիս քանի՞ տոկոսն է հասկանում, թե ինչ է ինքնորոշման իրավունքը՝ Ղարաբաղն անկախ է կամ Հայաստանի մարզ է, ոչինչ չտվող դիսկուրսից անդին»։