«Լեռնային Ղարաբաղի կարգավիճակի հարցը մնում է օրակարգում». Հակոբ Հակոբյան

ԱՀ ԱՆ կից միջգերատեսչական դատահոգեբուժական հանձնաժողովի նախագահ Հակոբ Հակոբյանը ֆեյսբուքյան իր էջում գրել է. «Ի հեճուկս Ադրբեջանի և Հայաստանի իշխանությունների հայտարարությունների՝ Լեռնային Ղարաբաղի կարգավիճակի հարցն իրականության մեջ մնում է օրակարգում: Չճանաչված Արցախի Հանրապետությունը կայացած պետություն է, ունի իր ներքին քաղաքական ու հասարակական կյանքը, և կարգավիճակի հարցը չի կարող անտեսվել: Կարգավիճակը և անվտանգությունը՝ դրանք նույն նշաձողն են և դրանք կենսական նշանակություն ունեցող են, որից փոքր-ինչ ներքև անհամատեղելի է կյանքի հետ: Ոչ մի իշխանություն, որքան էլ, որ ընտրությունների ժամանակ ունեցել է ձայների մեծամասնությունը, իրավունք չունի նման հարցեր լուծելու՝ իբր թե ստացել է մանդատ: Հայաստանի Հանրապետության իշխանությունների համար ուսանելի կարող է լինել Արցախի Հանրապետությունում տեղի ունեցող գործընթացները, երբ կենսական նշանակություն ունեցող հարցերը քննարկվում է լայնախոհության մթնոլորտում: Ցավոք, Հայաստանի Հանրապետության Ազգային ժողովում իշխանություն-ընդդիմություն ձևաչափից անցում է կատարվել թշնամական բանակներ ձևաչափի, որտեղ ոչինչ հնարավոր չէ քննարկել»: