«Նման բովանդակազուրկ ձևակերպումները կարճաժամկետ մանիպուլյացիաներ են». Աննա Կոստանյան

ԱԺ նախկին պատգամավոր Աննա Կոստանյանը գրում է. «Իշխանական ու մերձիշխանական խոսափողները հիմա էլ բերանի ծամոն են դարձրել «չի եղել մի փաստաթուղթ, որ կերաշխավորեր Արցախի կարգավիճակն Ադրբեջանի կազմից դուրս» և «կարգավիճակ չի նշանակում անկախություն» ձևակերպումները, այն դեպքում, երբ գրեթե վստահ եմ՝ էդ փաստաթղթերից և ոչ մեկը մինչ օրս նորմալ չեն էլ ուսումնասիրել։ Իշխանության մտքի կենտրոններում ցանկալի ձևակերպումներով տեքստեր են կազմվում, ուղարկվում լոբբիստներին, սրանք էլ դաշտ են նետում էդ դատարկ ձևակերպումները՝ առանց հասկանալու, որ նման բովանդակազուրկ ձևակերպումներն ընդամենը կարճաժամկետ մանիպուլյացիաներ են, որոնցով երկար չես կարողանա սնել հասարակությանը, քանի որ հարցեր տվողներ կան, վերլուծելու ունակ մարդիկ կան, ի վերջո՝ գիտակ մասնագետներ կան, ովքեր կարող են խորքային հակադարձումներ անել, ջախջախել հերթական կեղծ օրակարգերը։

Տեսնես այսքան ադրբեջանական թեզեր առաջ բրդելով ու տիրաժավորելով, Ադրբեջանի նախագահի վարած ագրեսիվ քաղաքականությունը մեղմացնող լոբբիստ-փաստաբանների դերն ստանձնելով՝ ի՞նչ երաշխիքներ են ստացել ապագայի համար, որ սեփական հայրենիքից ավելի թանկ է։

Ազնիվ կլիներ աղմուկ-աղաղակի փոխարեն կանգնեիք ու ազնվորեն ձևակերպեիք ձեր պատկերացրած պետության ձևաչափը, չնայած առանց ասելու էլ արդեն պարզ է, որ սահմանափակ պատասխանատվությամբ մի փոքր ընկերություն եք ուզում հիմել, որն ընդամենը բիզնես նպատակներ է հետապնդում»։