Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Ռուսաստանի այդ ձգտումը Հայաստանի համար պարունակում է թե՛ հնարավորություններ, թե՛ ռիսկեր». Արման Բաբաջանյան

«Ռուսաստանի այդ ձգտումը Հայաստանի համար պարունակում է թե՛ հնարավորություններ, թե՛ ռիսկեր». Արման Բաբաջանյան
329
Չորեքշաբթի, 20 ապրիլի, 2022 թ., 15:44

ԱԺ նախկին պատգամավոր Արման Բաբաջանյանի գրառումը. «Փաշինյան-Պուտին համատեղ հայտարարության մասին:

Հայտարարություններն ինքնին ոչինչ են, եթե դրանց հիմքով չի ծավալվում հետագա արդյունավետ դիվանագիտական-քաղաքական «սպասարկումը»: Ի վերջո, հայ-ռուսական բարձր մակարդակի համատեղ հայտարարության 30 կետերը գործնականում արտացոլում են ռեգիոնալ իրավիճակը վերահսկողության տակ պահելու Ռուսաստանի ձգտումը, հատկապես այն պարագայում, երբ Հարավային Կովկասը փաստացի մտել է այլևս բազմաֆորմատ աշխարհաքաղաքական մրցակցության փուլ:

Ռուսաստանի այդ ձգտումը Հայաստանի համար պարունակում է թե՛ հնարավորություններ, թե՛, բնականաբար, ռիսկեր:

Հարաբերակցության «որակն» այստեղ, բնականաբար, պայմանավորված է հենց այն դիվանագիտական-քաղաքական աշխատանքից, որ կկարողանա իրականացնել Հայաստանի կառավարող ուժը:

Եվ թերևս անկասկած է այն, որ համատեղ հայտարարության ամբողջ սպեկտրը վեր է այդ ուժի արդյունավետ «սպասարկման» ներուժից, թերևս օբյեկտիվորեն, ընդ որում, ըստ էության, նաև Հայաստանի որևէ քաղաքական միավորի ներուժից:

Այդ իմաստով, հնարավորությունների ու ռիսկերի հարաբերակցության մեզ համար շահեկան որակ ստանալը թերևս կախված է լինելու այն բանից, թե կառավարությունը որքանով հմտորեն կկարողանա այդ աշխատանքում տարբեր մեխանիզմներով ու խողովակներով ներգրավել ընդգրկուն ներուժ, գուցե նույնիսկ հարկ եղած դեպքում կանգնելով ներքաղաքական հաշվարկներից վեր, քանի որ իրադրությունն աշխարհում և ռեգիոնում իրապես բախտորոշ է, իսկ Ռուսաստանն այդ համատեքստում՝ «վա-բանկ» գնացող»:

Աղբյուրը`   Արման Բաբաջանյան