Բայդենը կարգադրել է ևս 800 միլիոն դոլարի զենք ուղարկել Ուկրաինա

ԱՄՆ նախագահ Ջո Բայդենի վարչակազմը պատրաստվում է հայտարարել Ուկրաինային լրացուցիչ 800 մլն դոլարի զենքի տրամադրման մասին։ Այս մասին չորեքշաբթի հայտնել է Bloomberg-ը՝ հղում անելով աղբյուրներին։

Նրանց խոսքով՝ ռազմական օգնության նոր փաթեթի բովանդակությունը նման է լինելու վերջին փաթեթին։

Ապրիլի 13-ին Բայդենը հայտարարեց, որ Վաշինգթոնը Կիևին կտրամադրի 800 միլիոն դոլարի ռազմական օգնություն, այդ թվում՝ 11 Մի-17 ուղղաթիռ, 200 զրահափոխադրիչ, 155 մմ տրամաչափի 18 հաուբից և 40,000 հրետանային արկ, ինչպես նաև 300 Switchblade հրթիռներ:, Javelin հակատանկային համակարգեր և «հազարավոր այլ հակատանկային համակարգեր»: