«2018-ին մենք չունեինք այն անվտանգային ռիսկերի ու սպառնալիքների փունջը, որն ունենք այսօր». Վահե Դավթյան

173

Հինգշաբթի, 21 ապրիլի, 2022 թ., 14:48

Փորձագետ Վահե Դավթյանի գրառումը. «2018-ի իրադարձությունների ժամանակ մոտ երկու ամիս չէի կարողանում դաս անցկացնել: Կա՛մ ուսանողները ներկա չէին (Սերժ էին մերժում), կա՛մ էլ փողոցներն էին փակ, ու հնարավոր չէր համալսարան հասնել:

Իմ ղեկավարությամբ դիպլոմային-մագիստրոսական գրող ուսանողները զանգում էին՝ խնդրելով հետաձգել աշխատանքների ներկայացման ժամկետները: Նրանք համոզված էին, որ փողոցում պառկելով՝ իրենց համար պայծառ ապագա էին կերտում:

Սակայն 2018-ին մենք դեռևս չունեինք այն անվտանգային ռիսկերի ու սպառնալիքների փունջը, որն ունենք այսօր: Չունեինք արժանապատվության ճգնաժամ, իսկ մեր պետականության վրա ամեն թափառական չէր կարող ոտքերը սրբել:

Գուցե իսկապես Հայաստանում հաղթել է վուլգար կոնսյումերիզմը՝ անվերջ ու ինքնամոռաց սպառման պաշտամունքը, ու հաջողության հասնելու համար յուրաքանչյուր քաղաքակական գործիչ պետք է բացառի սեփական բառամթերքից «պետություն», «ազգ», «անվտանգություն», «սահման», «ինքնիշխանություն» եզրույթները:

Ինքս, իհարկե, չեմ ուզում դրան հավատալ»:

Աղբյուրը` Վահե Դավթյան