«Ցանկանում են նիկոլի մեթոդներով հաղթե՞լ նիկոլին». Վահրամ Մարտիրոսյան

Zangi-ի հիմնադիր Վահրամ Մարտիրոսյանը ֆեյսբուքյան իր էջում գրել է. «Ընդդիմության մի հատվածը ցանկանում է նիկոլի մեթոդներով հաղթե՞լ նիկոլին: Մտքի մասով էդ աստիճան վա՞տ ա ձեր մոտ: Կամ որ ասում են՝ սկսում ենք «ապակենտրոնացված» շարժում, տեղյա՞կ են, որ «ապակենտրոնացված» շարժում սկսում են, երբ լինում են ինքնաբուխ առաջացող պայքարի օջախներ։ Ռեսուրսները արհեստականորեն «բաժանելը» ընդհանրապես չի նշանակում լինել «ապակենտրոնացված»։
Ընդդիմության մեկ այլ հատված էլ զբաղված է «իրազեկումներով»։ Թե ով չի «իրազեկված» իրավիճակից ու ինչ են «իրազեկում», ոչ ոք չգիտի։
Ամսի 23-ի էներգետիկան հաշված օրերի ընթացքում մսխելու են՝ գնա։
Ասել եմ և ևս մեկ անգամ կրկնում եմ, ներկա քաղաքական դաշտը իրենից ներկայացնում է իրենց սպառած անբովանդակ միավորումներ։ Իրենց նույնիսկ ամենամեծ փողերի ներարկումները չեն կարող փրկել։
Պետք է ծնվի նորը, ժամանակակիցը, բովանդակայինը, սկզբունքայինը, ռացիոնալը»։