«Ռուսաստանը հրաժարվել է Հայաստանին զինելուց». Վահագն Ավագյան

ԱԺԲ անդամ Վահագն Ավագյանը գրել է. «Մի քանի օր առաջ դավաճան կապիտուլյանտն ԱԺ ամբիոնից հայտարարեց, որ իր մեղքն այն է, որ ժամանակին չի ասել հայ ժողովրդին արցախյան հակամարտությունում իրերի իրական դրությունը և հիմա նույն սխալը չկրկնելու համար ասում է, որ Արցախը պետք է Ադրբեջանին հանձնենք ամբողջությամբ։

Իրականում ինչպես այն ժամանակ, այժմ էլ կապիտուլյանտ դավաճանն իրերի իրական դրությունը չի ներկայացնում հայությանը, և կրկնում է իր դավաճանությունը։ Իրականությունն այն է, որ Ռուսաստանը հրաժարվել է Հայաստանին զինելուց՝ պարտադրելու համար Արցախի հանձնումն Ադրբեջանին։

Դավաճան կապիտուլյանտը պետք է սա ասի ԱԺ ամբիոնից և հայությանը զինվելու այլ հնարավորություններ առաջարկի։ Հետևաբար նաև նոր դաշնակիցներ գտնի, հետևաբար նաև բացահայտի Արցախի հանձնումը պարտադրող կողմին, հետևաբար նաև պահանջի ռուս օկուպանտների փոխարինում իրական խաղաղապահներով, հետևաբար նաև կասեցնի Արցախի ամբողջական հանձնումը։

Դավաճան կապիտուլյանտը մեկ անգամ դավաճանել է և հայ ժողովրդին կապիտուլյացիայի առաջ կանգնեցրել, նա նույնը միշտ կրկնելու է։ Եվ այստեղ պետք է ասել, որ խնդիրը դավաճան կապիտուլյանտի իր բնույթին և կարողություններին համապատասխան ամեն անգամ նույն բանը կրկնելու մեջ չէ, այլ հայ հանրության այլանդակ միամտության մեջ, որ ամեն անգամ ակնկալում է այլ արդյունք»։