«Գլխավոր դատախազը, մեղմ ասած, խեղաթյուրեց փաստերը»․ Արթուր Ղազինյան

«Գլխավոր դատախազը, մեղմ ասած, խեղաթյուրեց փաստերը, քանի որ ասաց՝ գնանք տաս հոգով, ներկայացենք ինչ է արվել. երաշխավորում եմ, որ որևէ բան չի արվել»,-այս մասին դատախազության դիմաց զոհված զինծառայողների հարազատների բողոքի ակցիայի ժամանակ լրագրողներին ասաց «Հայաստան» խմբակցության պատգամավոր Արթուր Ղազինյանը։

«Մասնավորապես, Նիկոլ Փաշինյանն առնվազն հարցաքննության, առկա տեղեկատվությունով, չի կանչվել իսկ առանց նրա հարցաքննելու հնարավոր չէ որևէ քննչական գործողություն կատարել»,- ասաց նա՝ հավելելով, որ դատախազն «ընդամենը ձևական առումով իջավ, որ ցույց տա իջել է, բայց այս մարդկանց արդարացի պահանջին որևէ առարկայական պատասխան որևէ կերպ չհնչեց»։