Դատախազության առջև «Դիմադրություն» շարժման երթի առաջնորդները դիմեցին զոհվածների ծնողներին

«Իմ գործընկեր փայլուն իրավաբանները և ես կարող ենք ասել, որ իրավական խնդիր չկա, կա միայն քաղաքական կամք՝ քրեական գործընթաց հարուցելու այն մարդու հանդեպ, ով ասում է, որ այդ զինվորներն իրենց կյանքը տվել են հանուն ոչնչի։ Եթե Հայաստանում իշխանությունը լիներ փոխված՝ 44-օրյա պատերազմի հանգամանքը չէր կարող քննել Անդրանիկ Քոչարյանը և նրա նմանները, որ ոչ մի բացահայտում չեն անելու։ Դրա համար իշխանափոխությունը լինելու է»,-Գլխավոր դատախազության դիմաց դիմելով բողոքի ակցիա իրականացնող զոհված զինծառայողների հարազատներին, ասաց ԱԺ «Հայաստան» խմբակցության պատգամավոր Արամ Վարդևանյանը։

Այս պահին «Դիմադրություն» շարժման մասնակիցներն ու ընդդիմադիր պատգամավորները իրազեկման երթ են անցկացնում մայրաքաղաքի փողոցներով։