«Ինքն ընդունում է, որ մեղավոր է, բայց չի ընդունում, որ գլխավոր մեղավորն է»․ Խաչիկ Մանուկյան

«Մենք հիմա գտնվում ենք մի շենքի առաջ, որի վրա ծածանվող դրոշը մեր զավակների խիզախության շնորհն է»,- այսօր՝ Դատախազության դիմաց հայտարարեց 44-օրյա պատերազմում զոհված Վաչագան Մանուկյանի հայր, գրող Խաչիկ Մանուկյանը։

«Հիմա նորություն չէ այս մարմնի համար, որ Հայաստանում ապրում են մեղավորներ, հանցագործներ, ոճրագործներ, որոնց մեղքի արդյունքում են նաև տեղի ունեցել այսքան քաջերի ցավոտ կորուստը»,- նշեց նա։

«Նրանք պատերազմից հետո հայտարարեցին, որ եղել է դավաճանություն։ Մեր միակ պահանջն է հայտնաբերել այդ դավաճաններին։ Հանրապետության վարչապետը հայտարարեց՝ մի՞թե ես եմ գլխավոր մեղավորը․ այսինքն՝ ինքն ընդունում է, որ մեղավոր է, բայց չի ընդունում, որ գլխավոր մեղավորն է։ Ասում է՝ ինձ գլխավոր պատժին մի՛ արժանացրեք, ուրեմն թող հերթականությամբ որոշի այս մարմինը»,- ասաց Մանուկյանը։