Ավստրիան ընդունել է ռուսական գազի՝ ռուբլով վճարման պայմանները

Ավստրիական կողմը՝ ի դեմս ավստրիական նավթագազային OMV ընկերության, ընդունել է ռուսական գազի մատակարարումների համար ռուբլով վճարելու Ռուսաստանի պայմանները՝ համապատասխան հաշիվ բացելով ռուսական բանկում։ Այս մասին հայտարարել է Ավստրիայի կանցլեր Կարլ Նեհամերը։

«Մենք ընդունել ենք վճարման պայմանները, ինչպես և Գերմանիայի կառավարությունը: Պարզվել է, որ այն համապատասխանում է պատժամիջոցների պայմաններին։ Դա մեզ համար կարևոր էր»,- ասել է Նեհամմերը մամուլի ասուլիսում։