«Հեռու չէ այն օրը, երբ Փաշինյանը հրաժարական կտա». Առուշանյան

Դիմադրության շարժման այսօրվա հանրահավաքի ժամանակ Ֆրանսիայի հրապարակում էր նաև Գորիսի քաղաքապետ Առուշ Առուշանյանը:

Նա վստահություն հայտնեց, որ եթե ժողովուրդը ոտքի կանգնի, ապա հեռու չէ այն օրը, երբ Փաշինյանը հրաժարական կտա:

«Իշխանությունները փորձում են ճնշում գործադրել միայն մեր ժողովրդի վրա, իսկ երբ այդ ճնշումը պետք է գործադրել թշնամու վրա, սկսում են խաղաղություն աղերսել: Նրանք չեն պայքարում, նրանք պայքարի իմունիտետ չունեն: Ինձ համար ավելի կարևոր է պետականությունը, քան անձնական բարօրությունը, այդ իսկ պատճառով ինձ չեն կանգնեցնի ո՛չ ձերբակալությունը, ո՛չ ինչ-որ ուրիշ բան: Մենք հայրենիք ենք կորցրել: Ի՞նչ արժի մարդու կյանքը, որը վախենում է կարծիք հայտնել այն մասին, որ ներկայիս իշխանությունները մեզ դեպի կործանում են տանում: Իրական ազատությունը ներքին և ոչ թե արտաքին ազատությունն է»,- հավելել է Առուշանյանը: