Տինկովը հրաժեշտ է տվել Тинькофф բանկին՝ «Խելքից պատուհաս»-ից մեջբերումով

746

Երեքշաբթի, 03 մայիսի, 2022 թ., 16:42

Тинькофф բանկի հիմնադիր Օլեգ Տինկովը հրաժեշտ է տվել բանկին և Ռուսաստանին: «Ցտեսություն Тинькофф բանկ, ցտեսություն Ռուսաստան: Ինձ ոչինչ չի մնացել ՌԴ-ում»,- Instagram-ի իր էջում գրել է ձեռնարկատերը, ով օրեր առաջ բանկի մայր ընկերության՝ TCS Group-ի իր 35 տոկոս բաժնեմասը վաճառել էր Վլադիմիր Պոտանինին:

Գրառման վերջում նա հատված է մեջբերել ռուս դրամատուրգ, բանաստեղծ Ալեքսանդր Գրիբոյեդովի՝ «Խելքից պատուհաս» չափածո կատակերգությունից. «Այստեղ վերադարձողը չեմ։ Փախչեմ՝ առանց ետ նայելու, գնամ փնտրեմ ողջ աշխարհում, թե անարգված սրտի համար որտեղ կա մի անկյուն...»: