«Երկրորդ նախագահի որդին թիկնապահների ու ֆիթնես մարզչի հետ փողոց է փակում». Վահագն Ալեքսանյան

ԱԺ հայտարարությունների ժամին քիչ առաջ ելույթ ունեցավ ՔՊ-ական պատգամավոր Վահագն Ալեքսանյանն ու անդրադառնալով վերջին օրերի քաղաքական զարգացումներին՝ ասաց. «Երբ ՀՀ պատմության ամենաերիտասարդ տարիքում դոլարային միլիոնատեր դարձած, համատեղության կարգով երկրորդ նախագահի որդին թիկնապահների ու ֆիթնես մարզիչների հետ փողոց է փակում, երբ «Ծովասար» ռեստորանային, հյուրանոցային համալիրի տեր, մեկ-մեկ էլ էս աթոռին նստող Իշխան Սաղաթելյանը, գեներալ Արթուր Վանեցյանը, գեներալ Սեյրան Օհանյանը գիշերները նստում, ուսումնասիրում, հանում են 2018թ. վարչապետ Փաշինյանի՝ ժամեր տևած ելույթների տեքստերը, կարդում, միջից բառեր հանում, անգիր անում... այնուամենայնիվ, կոչ եմ անում ընդդիմադիր պատգամավորներին ու շարժման առաջնորդներին՝ ոչ մի պարագայում չմտածել, թե երբևէ ՀՀ քաղաքացու, ուսանողի հետ խոսելու են «երեսին թքելու» կամ «ջհանդամն ուղարկելու» լեզվով: Ես սա նուրբ եմ զգուշացնում»: