Իշխան Սաղաթելյանը՝ «ով էս պայքարի հետ չի, Նիկոլ ա» հայտարարության մասին

«Ես ինչ-որ ասել եմ ստեղից, շատ հստակ եմ ասել։ Էդ իմ ասածը ունեցել ա կոնկրետ հասցեներ»,- այսօր՝ լրագրողների հետ ճեպազրույցում անդրադառնալով երեկ հնչեցրած՝ «Ով էս պայքարի հետ չի, Նիկոլ ա» խոսքերին, ասաց ՀՅԴ ԳՄ ներկայացուցիչ, խորհրդարանի փոխխոսնակ, «Դիմադրության շարժման» առաջնորդներից Իշխան Սաղաթելյանը։

«Դա երբեք չի վերաբերում ՀՀ քաղաքացիներին, դա վերաբերում ա այն ուժերին, ովքեր փորձում են պառակտել, նսեմացնել, հիասթափեցնել մեր հասարակությանը»,- նշեց նա։

«Ես կրկին ասում եմ՝ ովքեր իրենց համարում են ընդդիմություն, բայց փորձում են պառակտել, փորձում են իրենց քայլերով և գործողություններով հիասթափեցնել մեր ժողովրդին, այո՛, իրենք Նիկոլ են»,- հավելեց Սաղաթելյանը։