«Հավաստիացում պետք է ստանանք, որ անվտանգության երաշխիքներն ապահովելու են ԼՂ-ում ապրող հայերի և՛ անվտանգությունը, և՛ իրավունքները»․ ԱԽ քարտուղար

«Մենք առաջարկել ենք Ադրբեջանի և Հայաստանի առաջարկությունների փաթեթը միացնել իրար և սկսել խաղաղության բանակցությունները»,- այսօր՝ Factor TV-ի եթերում նշել է ԱԽ քարտուղար Արմեն Գրիգորյանը։

Ի պատասխան հարցին, թե Արցախի ինքնորոշման տարրը կա՞ Հայաստանի առաջարկներում, ԱԽ քատուղարն ասել է: «Առաջարկներում նշված է անվտանգության և իրավունքների հարցը, և նաև ինքնորոշման տեսանկյունից նաև կարգավիճակի հարց կա․ պետք է հնարավորություն տանք, որ այդ հարցին լուծում տան, բայց մենք նաև նշում ենք, որ հենց անվտանգությունը և իրավունքներն են կանխորոշելու կարգավիճակը, և այս առումով ակնկալում ենք ավելի ինտենսիվ քննարկումներ, որպեսզի հասկանանք, թե ինչպես են լինելու ինստիտուցիոնալ իրավունքների պաշտպանությունը և անվտանգության ապահովումը»:
Արմեն Գրիգորյանի խոսքով՝ ԼՂ հիմնախնդիրը, տարածքային խնդիր չէ, այլ այնտեղ ապրող հայերի իրավունքների պաշտպանության և անվտանգության խնդիրն է:

«Մենք պետք է քննարկենք, թե երաշխիքներն ինչպես են գործելու և հավաստիացում ստանանք, որ այդ անվտանգության երաշխիքներն ապահովելու են այնտեղ ապրող հայերի և՛ անվտանգությունը, և՛ իրավունքները»,- ընդգծել է Գրիգորյանը: