Կիրակի, 16 օգոստոսի, 2026 թ.
|
Ստեփանակերտում`   +23 °C

«Առաջին ալիք», «Ռոսիա-1», «НТВ»... ԱՄՆ-ը նոր պատժամիջոցներ է սահմանում Ռուսաստանի դեմ

«Առաջին ալիք», «Ռոսիա-1», «НТВ»... ԱՄՆ-ը նոր պատժամիջոցներ է սահմանում Ռուսաստանի դեմ
901
Կիրակի, 08 մայիսի, 2022 թ., 20:27

Միացյալ Նահանգները սահմանում է ռուս զինվորականներին մուտքի վիզաների տրամադրումը սահմանափակելու և ևս 2,6 հազար ռուս և բելառուս պաշտոնյաների նկատմամբ ամերիկյան սահմանը հատելու արգելք՝ կապված Ուկրաինայում մարդու իրավունքների խախտումներին նրանց մասնակցության կամ ինքնիշխանությունը խաթարելու հետ: Այս մասին հայտնում է ՏԱՍՍ-ը։

Բացի այդ, ԱՄՆ կառավարությունն արգելել է ամերիկյան քաղաքացիներին և ընկերություններին ռուսական ընկերություններին տրամադրել աուդիտ, խորհրդատվական և մարքեթինգային ծառայություններ:

ԱՄՆ-ը նաև որոշել է պատժամիջոցներ կիրառել Առաջին ալիքի, «Ռոսիա-1»-ի, НТВ-ի դեմ, արգելքը կազդի նրանց սարքավորումների տրամադրման, ինչպես նաև ամերիկյան ընկերությունների՝ այնտեղ գովազդելու հնարավորության վրա։

Պատժամիջոցներ են կիրառվել նաև «Սբերբանկ»-ի ղեկավարության ութ և «Գազպրոմբանկ»ի ևս 27 ներկայացուցիչների նկատմամբ, ինչպես նաև սահմանափակումներ են կիրառվել Մոսկվայի արդյունաբերական բանկի և նրա տասը դուստր ձեռնարկությունների նկատմամբ։