«Երկիշխանությունը Իշխանի փոքրիկ երա՞զն է»․ Շիրակի մարզպետ

«Ամբողջ ընթացքում չեմ լսել քաղաքական օրակարգ, ինչպես են հզորացնելու բանակը, Արցախը փրկելու։ Արցախը փրկում են Արցախում, Գյումրու Թատերական հրապարակում Արցախը փրկելը մի քիչ բարդ է»,- Հ1-ի եթերում՝ անդրադառնալով Գյումրիում ընդդիմության հանրահավաքին, ասաց Շիրակի մարզպետ Նազելի Բաղդասարյանը։

«Մարզերում աջակցություն չունենալու հետևանքով այս մարդկանց ագրեսիան օրեցօր ավելանալու է․․․։ Ի՞նչ երկիշխանության մասին է խոսքը, Շիրակում կա մեկ մարզպետ, Գյումրիում մեկ քաղաքապետ, երկիշխանությունը դա Իշխանի փոքրիկ երա՞զն է։ Իրենց ձեռագիրը և դավանանքը չի փոխվել ու հետզհետե գնալու են սադրանքների, ագրեսիայի ծավալն ավելացնելու են։ Այնպիսի մարդիկ են ճառում բեմերից, որոնք ընդհանրապես խոսելու իրավունք չունեն»,- նշեց Շիրակի մարզպետը։

Մանրամասները՝ տեսանյութում։