Չորեքշաբթի, 29 հոկտեմբերի, 2025 թ.
|
Ստեփանակերտում`   +14 °C

«Այսպիսի կառավարման արդյունքը նոր կապիտուլյացիան է». Վարուժան Գեղամյան

«Այսպիսի կառավարման արդյունքը նոր կապիտուլյացիան է». Վարուժան Գեղամյան
830
Ուրբաթ, 13 մայիսի, 2022 թ., 23:36

Թյուրքագետ Վարուժան Գեղամյանը ֆեյսբուքյան իր էջում գրում է. «Հայաստանն ունի երկու ցամաքային ճանապարհ դեպի արտաքին աշխարհ՝ մեկը Տավուշով դեպի Վրաստան, մյուսը՝ Սյունիքով դեպի Իրան։

Այս երկրորդ ճանապարհը կապիտուլյանտն ու իր խմբավորումը 2020 թ. դեկտեմբերին նվիրեց թշնամուն։

2021թ. աշնանն Ադրբեջանը փակեց այդ ճանապարհը՝ մեզ փաստացի զրկելով դեպի Իրան ճանապարհից։

Կապիտուլյանտական վարչախումբն ասաց, որ «խնդիր չկա, իրենց ճանապարհն է, կարող են փակել» ու շուտով կունենանք «այլընտրանքային, ավելի լավ ճանապարհ»։

Անցավ շուրջ մեկ տարի։ Այսօր կապիտուլյանտն ասում է, որ իրենք «չէին նախատեսել, որ բեռնափոխադրումների ամբողջ ծավալը պետք է» այդ ճանապարհով լինի։ Բա ո՞ր ճանապարհով պիտի լիներ, Ադրբեջանի գրավա՞ծ։

Հենց այսպես է կառավարվել մեր երկիրը պատերազմի ու կորոնավիրուսի ժամանակ, էդպես է կառավարվում նաև այսօր։

Ու այսպիսի կառավարման արդյունքը նոր կապիտուլյացիան է, որը շուտով թակելու է բոլորիս դուռը՝ դրանից բխած բոլոր հետևանքներով։

Դա կանգնեցնելու ձևը դե ֆակտո թուրքամետների իշխանության հեռացումն է»։

Աղբյուրը`   Վարուժան Գեղամյան

Կարդացե՛ք նաև