«Ինչպես Հայաստանի Հանրապետությանը բերել ենք ժողովրդավարություն, այնպես էլ բերենք խաղաղություն». Ն. Փաշինյան

«Ես հրապարակային պիտի ասեմ հետևյալը՝ այս դահլիճում ներկա են մարդիկ, որոնց հետ մենք ամենատարբեր ժամանակներում պայքարել ենք Հայաստանի Հանրապետությունում ժողովրդավարություն հաստատելու համար, և մենք կատարել ենք մեր առաքելությունը՝ չնայած դեռ չենք ավարտել այն: Ես ուզում եմ արձանագրել, որ հիմա կարևոր է՝ ժողովրդավարություն ամրապնդելու համար մենք համախմբվենք մեկ այլ առաքելության շուրջ և ինչպես Հայաստանի Հանրապետությանը բերել ենք ժողովրդավարություն, այնպես էլ Հայաստանի Հանրապետությանը բերենք խաղաղություն, որովհետև մեկն առանց մյուսի շատ դժվարությամբ կարող է գոյություն ունենալ: Ես, առնվազն, կարող եմ ուրախությամբ և հպարտությամբ նշել, որ կա քաղաքական իշխանություն Հայաստանի Հանրապետությունում, որն այս առաքելության շուրջ համախմբված է և կարծում եմ, որ այս առաքելության շուրջ պետք է համախմբվեն ՀՀ-ում բոլոր ժողովրդավարական ուժերը»,- «Արմենիա Մարիոթ»-ում ընթացող Ժողովրդավարության հայկական ֆորումի բացման իր խոսքում ասաց ՀՀ վարչապետ Նիկոլ Փաշինյանը: