Երեքշաբթի, 21 ապրիլի, 2026 թ.
|
Ստեփանակերտում`   +6 °C

«44-օրյա պատերազմից հետո Ամենայն հայոց կաթողիկոսն ինչո՞ւ ցայժմ հայրապետական այց չի կատարել Արցախ»․ Վահրամ Աթանեսյան

«44-օրյա պատերազմից հետո Ամենայն հայոց կաթողիկոսն ինչո՞ւ ցայժմ հայրապետական այց չի կատարել Արցախ»․ Վահրամ Աթանեսյան
397
Ուրբաթ, 20 մայիսի, 2022 թ., 21:12

Քաղաքական վերլուծաբան Վահրամ Աթանեսյանի գրառումը․ «Գերագույն հոգևոր խորհուրդը Հայաստանի և Արցախի իշխանություններին հորդորում է խաղաղության չգնալ ազգային արժանապատվության նվաստացման հաշվին, զիջողականություն չդրսևորել ազգի հիմնարար իրավունքների և պատմական արդարության հետապնդման հանձնառության մեջ։

Նախ, որտե՞ղ է Հայաստանի և Արցախի իշխանությունը պատմական արդարություն հետապնդելու (այսինքն՝ վերականգնելու) հանձնառություն ստանձնել, եթե ո՛չ Հայաստանի, ո՛չ Արցախի սահմանադրությամբ նման պարտավորություն չունի։ Երկրորդ, քառասունչորսօրյա պատերազմից հետո Ամենայն հայոց կաթողիկոսը ինչու՞ ցայժմ հայրապետական այց չի կատարել Արցախ՝ գոտեպնդման իր խոսքն ասելու արցախահայությանը։ Երրորդ, թշնամական կողմը անոնսավորել է աշնանը Շուշիում թուրքախոս երկրների հոգևոր առաջնորդների խորհրդաժողովի կազմակերպումը։ Սուրբ Էջմիածինը երբևէ Արցախում քույր եկեղեցիների ներկայացուցիչների հավաք ձեռնարկե՞լ է։ Կարո՞ղ է միջեկեղեցական կապերն օգտագործել՝ խափանելու Ադրբեջանի հոգևոր առաջնորդի վերոնշյալ նախաձեռնությունը»։

Աղբյուրը`   Վահրամ Աթանեսյան