«Պարտք վերցնել, ասֆալտ անել ու ժողովրդի վրա ծախե՞լ». ՀՀ պետական պարտքը հասել է պատմական առավելագույնին

«Այսօր Ֆինանսների նախարարը պաշտոնապես հայտարարեց, որ Հայաստանի պետական պարտքը հասել է պատմական առավելագույնին՝ 63,5%: Սրանք իրենց կառավարման 4 տարիների ընթացքում 36%-ով ավելացրել են Հայաստանի պետական պարտքը մոտ 3 միլիարդ դոլարով: Այսինքն, Հայաստանի Հանրապետության յուրաքանչյուր քաղաքացու վրա 1000 դոլարով պարտք են ավելացրել: Սրանք պաշտոնական թվեր են: Ասֆալտներ են անում ու անընդհատ ծախում են դա ժողովրդր վրա, թե մենք եկել՝ ասֆալտ ենք անում... Պարտք վերցնել, ասֆալտ անել, պետական պարտքը 36%-ով ավելացնել ու ժողովրդի վրա դա ծախել՝ սա հերթական սրիկայությունն է, որի մասին մեր հայրենակիցները պետք է իմանան»,- հանրահավաքի ժամանակ հայտարարեց Իշխան Սաղաթելյանը: