«Այս ցնցումներից ՀՀ-ում բիզնեսը և քաղաքացիները տուժելու են». Արման Վարդանյան

Ռեժիսոր Արման Վարդանյանը ֆեյսբուքյան իր էջում գրել է. «Եթե Հայաստանում բորսա լիներ, մոտավոր պատկերացում կլիներ՝ ինչ է կատարվում տնտեսության հետ, ներդրողները չէին վախենա գործարքներ կատարելուց, մարդիկ կհասկանային դրամի տատանումն արտարժույթների հանդեպ այդքան հիվանդագին, ինչ վտանգներ են պարունակում։

Քանի որ ԿԲ-ն հանրության հանդեպ ունի 0 հաշվետվողականություն, հայտնի չէ՝ մեկ ամսվա կտրվածքով ի՞նչ քանակությամբ արտարժույթ է մտնում երկիր և դուրս գալիս։ Այս ցնցումներից Հայաստանում բիզնեսը և քաղաքացիները տուժելու են՝ շահելու են բանկերը, որոնք տեղեկացված են ընթացող գործընթացներից։

Տեղեկացված է նաև ԵԱՏՄ կոչվածը, Ռուսական ԿԲ-ն, որն օնլայն ռեժիմով հետևում է Հայաստանի մուտքերին ու ելքերին, և իր ուզած քանակությամբ դոլարը հավաքում-տանում։

Ժամանակին, երբ Հայաստանի ՀՕՊ-ը միացնում էին ՀԱՊԿ-ին դրա հետևանքները քչերն էին հասկանում, հիմա երբ բանկային համակարգն են սինխրոնացնում, դրա հետևանքները մի օր՝ հոպա լինելու։

Հ. Գ. Տարվա սկզբին, մինչև պատերազմը, մինչև սանկցիաները, պատահական իմացա, որ Հայաստանում գաղտնի այցով շրջագայում է ՌԴ ԿԲ նախագահը՝ Նաբիուլինան։ Այն ժամանակ բնական մտավախություն առաջացավ, ի՞նչ են հաշվում ոխերիմ բարեկամները»։