Ադրբեջանի պատասխանը Լավրովին՝ Փառուխի մասին արված հայտարարության վերաբերյալ

Ադրբեջանի ԱԳՆ մամլո խոսնակ Լեյլա Աբդուլաևան անդրադարձել է ՌԴ ԱԳՆ ղեկավար Սերգեյ Լավրովի հայտարարությանը՝ Արցախի Փառուխ գյուղի վերաբերյալ: Հիշեցնենք, որ Լավրովը նշել էր, որ այդ հարցը պետք է լուծվի դելիմիտացիայի արդյունքում: «Փառուխի հարցը ռուս զինվորականների համար շարունակվում է դիտարկել որպես առաջնահերթություն»,- ասել էր Լավրովը:

Ադրբեջանական կողմի արձագանքում մասնավորապես ասված է. «Հայաստանի և Ադրբեջանի կողմից հաստատված դելիմիտացիայի հանձնաժողովները, ինչպես և նախկինում հայտարարվել է, կոչված են զբաղվել Հայաստանի և Ադրբեջանի միջև սահմանների դելիմիտացիայով: Այդ գործընթացի շրջանակներում չի նախատեսվում հայ–ադրբեջանական պետական սահմանից զատ այլ խնդիրների դիտարկում, այդ թվում՝ Ադրբեջանի տարածքում ռուս խաղաղապահների ժամանակավոր տեղակայման գոտում»: