Իրանական թումանի կտրուկ անկման պատճառով երկրում սկիզբ են առել բողոքի ցույցերը

Ազգային արժույթի կտրուկ անկումը Իրանում հակակառավարական բողոքի ալիք է բարձրացրել։ Կիրակի օրն Իրանի արժույթը հասել է երբևէ եղած ամենացածր կետին, քանի որ համաշխարհային տերությունների հետ երկրի՝ խարխլված միջուկային համաձայնագրի վերականգնման շուրջ բանակցությունները փակուղի են մտել:
Թեհրանի առևտրականները իրանական ազգային արժույթը՝ թումանը, փոխանակել են 332 հազարով՝ 1 ԱՄՆ դոլարի դիմաց, այնինչ շաբաթ օրը մեկ դոլարն արժեցել է 327 հազար 500 թուման:
Միևնույն ժամանակ, ոստիկանությունը ձերբակալել է արժույթի և ոսկու առևտրով զբաղվող 31 առևտրականի, ովքեր մեղադրվում են շուկայում «կեղծ պահանջարկ» ստեղծելու մեջ։
Տնտեսության հետ կապված խնդիրների ֆոնին Իրանի տարբեր քաղաքներում հակակառավարական ցույցեր են տեղի ունեցել։ Դրանցից ամենամեծը տեղի է ունեցել Թեհրանում։
Մայրաքաղաքում փողոցներ են դուրս եկել ձեռներեցներն ու խանութների սեփականատերերը։ Պաշտոնական լրատվամիջոցների փոխանցմամբ՝ մի քանի տասնյակ մարդիկ բողոքել են հարկերից խուսափելու դեմ պայքարի շրջանակում հարկային նոր կանոններ մտցնելու և առուվաճառքի նկատմամբ վերահսկողությունը խստացնելու կառավարության մտադրության դեմ։
Սակայն սոցցանցերում հրապարակված տեսանյութերը ցույց են տալիս, որ հարյուրավոր մարդիկ են մասնակցում բողոքի ակցիային: Իրանցի լրագրող Բաբակ Թագվայը գրում է, որ փողոց դուրս գալու պատճառ է դարձել ազգային արժույթի կտրուկ արժեզրկումը։
Ահվազում բողոքի ակցիային մասնակցել են պետական ծառայողները, ովքեր մի քանի ամիս աշխատավարձ չեն ստացել։ Բողոքի ցույցեր են անցկացվել նաև Քերեջում, Շիրազում և Քուրդիստանում։

«246 անգամ անհամաչափ առևտուր. ո՞ւմ է ձեռնտու «խաղաղությունը»». Սուրեն Սուրենյանց
6519:24
«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
43519.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
41919.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
198416.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
147815.11.2026, 19:19
Խաղողագործներին փող չեն տալիս․ «Հրապարակ»
81414.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
186613.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
82412.11.2026, 16:00