Պատժամիջոցների և պահանջարկի նվազման պատճառով ՌԴ-ում կրճատվել է ապակու արտադրությունը

Շինարարության մեջ օգտագործվող թիթեղային ապակու արտադրությունը նվազել է 30%-ով, ասվում է ՌԴ արդյունաբերության և առևտրի նախարարության մամուլի ծառայության հաղորդագրության մեջ:

Ապակի արտադրող «Салаватстекло» խոշոր ընկերությունը սկսել է կրճատել արտադրությունը՝ կապված պահանջարկի նվազման հետ, հայտնել է ընկերության տնօրեն Մաքսիմ Սկիրտինը։ Նրա խոսքով, ապրիլին վաճառքը նախորդ տարվա նույն ժամանակահատվածի համեմատ նվազել է 25%-ով, մայիսին՝ կրկնակի։ Պահանջարկի անկումն ազդել է գների վրա. մայիսին դրանք տարեսկզբի համեմատ նվազել են 15-20%-ով: