Ուրբաթ, 01 հուլիսի, 2022 թ.
|
Ստեփանակերտում`   +17 °C

Մաքսայինի աշխատակիցները պատասխան կտան իրենց նամակի համար․ «Հրապարակ»

Մաքսայինի աշխատակիցները պատասխան կտան իրենց նամակի համար․ «Հրապարակ»
89
Չորեքշաբթի, 22 հունիսի, 2022 թ., 09:42

«Հրապարակ» թերթը գրում է. «Մայիսի 27-ին մենք հրապարակել էինք ՊԵԿ մաքսային ոլորտի ավելի քան հինգ տասնյակ աշխատակիցների նամակը, որով նրանք պարզաբանում էին պահանջում՝ հերքում և ներողություն ՊԵԿ նախագահ Ռուստամ Բադասյանից՝ համարելով, որ վերջինս իրենց զրպարտել է «Հրապարակին» տված մի հարցազրույցում հնչեցրած որոշ մտքերով։ Իսկ հարցազրույցում Բադասյանն ասել էր, որ մաքսային տերմինալներում դեռևս կոռուպցիոն երևույթներ կան մնացած՝ 5-10 հազար դրամի չափով «շնորհակալություն» հայտնելու տեսքով։

Նամակը ստանալուց հետո ՊԵԿ-ից մեզ ասել էին, որ Ռուստամ Բադասյանն արձակուրդում է, երբ վերադառնա ու անհրաժեշտ համարի, կարձագանքի նամակին։ Բայց այդպես էլ նրա կողմից արձագանք չեղավ։ Փոխարենը եղավ ՊԵԿ նախագահի տեղակալ Շուշանիկ Ներսիսյանի ազատումը, որը վաղուցվանից կոնֆլիկտ ուներ Ռուստամ Բադասյանի հետ: Ապա պարզեցինք նաև, որ Ներսիսյանի ազատվելուց մի քանի օր առաջ էլ պաշտոնից ազատվել էին նամակը ստորագրած մոտ տասը աշխատակիցներ։
Մենք գրավոր հարցում էինք ուղարկել ՊԵԿ լրատվական ծառայություն՝ հետաքրքրվելով, թե ՊԵԿ նախագահը տեղյա՞կ է այդ նամակից, արձագանքե՞լ է դրան, ի՞ նչ մեկնաբանություն ունի դրա վերաբերյալ կամ ե՞րբ և ինչպե՞ս է պատրաստվում արձագանքել։ ՊԵԿ-ից երեկ պատասխան ենք ստացել, որ դեպքի առթիվ նշանակվել է ծառայողական քննություն, բոլոր հանգամանքների համակողմանի ուսումնասիրությունից հետո գնահատական կտրվի «Մաքսային ծառայության մասին» ՀՀ օրենքի և այլ իրավական ակտերի առերևույթ խախտումներին։

Այսինքն՝ հասկացնում են, որ նամակ գրող մաքսայինի ծառայողները դեռ պատասխան պետք է տան իրենց նամակի համար, այլ ոչ թե ՊԵԿ նախագահը պետք է պատասխան տա իր ասածների համար։

Առավել մանրամասն՝ թերթի այսօրվա համարում