«Ինչքան դնում-վերցնում եմ՝ չեմ պատկերացնում, թե ոնց է դա հնարավոր». Ռուբեն Մելիքյան

Իրավապաշտպան Ռուբեն Մելիքյանի գրառումը. «Ականջ դրեցի պողոսների ու Պետրոսի առջև արտասանված պաշտպանական ճառին։ Էլ Սանասար-Բաղդասար չանեմ ու ուղիղ հարց տամ. ո՜վ ընթերցող, ձեռքդ դիր խղճիդ ու ասա՝ մարդ կարո՞ղ է ինքն իր վզին դնել։ Ինչքան դնում-վերցնում եմ՝ չեմ պատկերացնում, թե ոնց է դա հնարավոր։ Մարդ, այո՛, կարող է ինքն իրեն սրբի տեղ դնել, կամ ինքն իրեն պաշտոնի դնել, անգամ՝ ինքն իրեն ճամփու դնել։ Բայց ինքն իր վզի՞ն դնել։ Ոչ, չի տեղադրվում ուղեղիս մեջ։
Բայց իմ համար հազարը մեկ է, մեկն էլ հազար, ուստի պետք է մեզ դնենք ականավոր իրավաբան-գիտնականի տեղը ու մեկ մարդու պես պնդենք ու հազար անգամ կրկնենք, որ այո՛, դա բացառված չէ, այո՛, դա հնարավոր է, այո՛, դա հավանական է, ու այո՛, հենց այդպես էլ եղել է։ Ու եթե հանկարծ ինքն իր վզին դնելու մեխանիզմը լավ չպատկերացնես, ո՜վ ընթերցող, ապա չդնես։ Պարզապես հավատա»։