«Թե որքանով է ստացվում ԿԲ-ի մոտ գնաճը զսպել, դատեք ինքներդ»․ Արշալույս Մղդեսյան

«Մեդիա կենտրոն» ծրագրի խմբագիր-համակարգող Արշալույս Մղդեսյանը ֆեյսբուքյան իր էջում գրել է. «Դրամի արժևորումը հուզում է շատերին՝ արտահանողներին, ներդրողներին, դոլարով փոխանցումներ ստացողներին: Շատ հարցեր կան, որոնց պատասխաններն անցած երկու օրերին փորձեցիքն ստանալ Էկոնոմիկայի նախարար Վահան Քերոբյանից և ԿԲ խորհրդի անդամ Արտակ Մանուկյանից: Ի պատիվ իրենց՝ թե՛ Էկոնոմիկայի նախարարությունը, թե՛ ԿԲ-ն շատ արագ արձագանքեցին մեր հրավերին: Շնորհակալ եմ համագործակցության համար:
Էկոնոմիկայի նախարարությունը, հասկանալի պատճառներով, դեմ է դրամի արժևորմանը, քանի որ այն շատ ցավոտ անդրադառնում է տնտեսության հատկապես արտահանելի հատվածի, արդյունաբերության վրա:
Իսկ Կենտրոնական բանկից էլ ասում են՝ կներեք, բայց մեր առաջնային խնդիրը գնաճի զսպումն է, որն անցած հինգ ամսվա կտրվածքով հասել է 7,7%-ի:
Թե որքանով է ստացվում ԿԲ-ի մոտ գնաճը զսպել, դատեք ինքներդ: Օրինակ, հարևան Վրաստանում, որտեղ ևս ռուս միգրանտների մեծ հոսքի ու ՌԴ-ի հետ առևտրատնտեսական կապերի ակտիվացման ֆոնին ազգային արժույթը՝ լարին, նկատելիորեն ամրապնդվում էր, թույլ չտվեցին դոլարի կտրուկ արժեզրկում։
Այդ երկրի կենտրոնական բանկը շաբաթներ առաջ՝ 2019 թվականից ի վեր առաջին անգամ ինտերվենցիա իրականացրեց՝ շուկայից գնելով 10 մլն դոլար։ Գնաճի տեմպերը Վրաստանում ավելին են՝ հատել են 10 տոկոսի շեմը:
Իսկ տնտեսական աճը Հայաստանում և Վրաստանում գրեթե համադրելի է: Հայաստանում ապրիլ-մայիսին այն կազմել է 10,2%, իսկ Վրաստանում հունվար-ապրիլին՝ 10,8%: Մայիսի տվյալները կարծես դեռ չկան:
Մինչ կառավարություն-ԿԲ փորձում են հասկանալ ինչ անել, բիզնեսն ասում է՝ ինչ անում եք, արագ արեք, քանի որ գործարարներն արդեն իսկ փաստի առաջ են կանգնել և վնասներ են կրում»:

«246 անգամ անհամաչափ առևտուր. ո՞ւմ է ձեռնտու «խաղաղությունը»». Սուրեն Սուրենյանց
3519:24
«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
43319.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
41719.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
197816.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
147515.11.2026, 19:19
Խաղողագործներին փող չեն տալիս․ «Հրապարակ»
81214.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
186213.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
82312.11.2026, 16:00