««Մի անգամ ենք ապրում» թեզը կրկնողին արդյո՞ք պետք է հայրենիք»․ Արա Պողոսյան

Քաղաքագետ Արա Պողոսյանի գրառումը. «Երկերեսանիություն է, երբ հասկանում ես, որ հասարակությունը հիվանդ է, բայց շարունակում ես գովաբանել, որպեսզի քեզ լավ աչքով նայեն,
Երկերեսանիություն է, երբ անհատին մեղադրում ես, որովհետև նա մենակ է, բայց հանրույթին գովում ես, որովհետև նա «հանրույթ» է։
Կեղծ է, երբ ժանտախտի օրորք քեֆ անողի առաջ խոնարհ ժպտում ես, ու չես ասում, թե այսի՞նչ մի քեֆ է համատարած...
«Մի անգամ ենք ապրում» թեզը կրկնողին արդյո՞ք պետք է երկիր ու Հայրենիք, չէ՞ որ նա այդ մի անգամը կարող է ապրել նաև օտար հողում, չէ՞ որ նա մի անգամ է ապրում։
Սուտ է, երբ իշխանափոխություն անելով կարծում ես, թե իրականություն կփոխվի, եթե հասարակության մեջ փոփոխություններ տեղի չեն ունենալու։
Չի կարող հիվանդ հասարակությունը ունենալ լավ իշխանություն, լավ պետություն։
Անհա՞տը, թե՞ համախումբը, անհատի՞ երջանկություն, թե՞ հասարակության։ Անհա՞տն է գերագույն արժեք, թե՞ Ազգը...
Որովհետև, որովհետև ինչպես Թումանյանը կասեր, մենք ներսից ենք փտած ու մեր փրկությունը հաստատ ներսից է գալու...»։