Կիրակի, 16 օգոստոսի, 2026 թ.
|
Ստեփանակերտում`   +19 °C

Նուկուսում ցույցերի ժամանակ 18 մարդ է զոհվել

Նուկուսում ցույցերի ժամանակ 18 մարդ է զոհվել
1348
Երկուշաբթի, 04 հուլիսի, 2022 թ., 12:12

Կարակալպակստանի ինքնավար մարզի մայրաքաղաք Նուկուսում ցույցերի ժամանակ 18 մարդ է զոհվել, հայտնում է «Sputnik Узбекистан»-ը՝ վկայակոչելով Ազգային գվարդիային։ Եվս 243 մարդ վիրավոր է, նրանցից 94-ը գտնվում են հիվանդանոցներում։ Բերման է ենթարկվել 516 ցուցարար։

Հիշեցնենք՝ Կարակալպակստանի բնակիչների շրջանում դժգոհություն էր առաջացրել Ուզբեկստանի նախագահ Միրզիոևի՝ Կարակալպակստանի ինքնավար մարզին վերաբերող սահմանադրական փոփոխությունների առաջարկը, որը ենթադրում է ինքնավարության վերացում:

Հուլիսի 3-ին արդեն Շավքաթ Միրզիոևը հայտարարել էր, որ որոշել է Կարակալպակստանի կարգավիճակի վերաբերյալ Ուզբեկստանի սահմանադրությունում փոփոխություններ չմտցնել։