Հինգշաբթի, 28 մարտի, 2024 թ.
|
Ստեփանակերտում`   +12 °C

«Այսօր ավելի շատ Սահմանագրության օրն է, քան՝ Սահմանադրության». Հակոբ Բադալյան

«Այսօր ավելի շատ Սահմանագրության օրն է, քան՝ Սահմանադրության». Հակոբ Բադալյան
205
Երեքշաբթի, 05 հուլիսի, 2022 թ., 23:48

Քաղաքական մեկնաբան Հակոբ Բադալյանի գրառումը. «Այսօր ավելի շատ Սահմանագրության օրն է, քան՝ Սահմանադրության: Մեր Սահմանադրությունը գրված է, բայց խորքային առումով դրված չէ, այդ թվում՝ մեր հանրային գիտակցության և մշակույթի մեջ: Իհարկե, դրան գալն էլ հեշտ գործ չէ: Մոտ երեք տասնամյակը քիչ չէ, բայց հաստատ շատ մեծ էլ չէ այդ առումով:

Առանցքային խնդիրն այն է, կարծում եմ, որ մեզանում չկա այդ Սահմանադրության ներդրումն իրականացնելու խորը պատկերացում ունեցող հասարակական-քաղաքական վերնախավ, որը ոչ միայն տիրապետում է իրավունքի փիլիսոփայությանը, այլ նաև մարդկային հոգեբանությանը և մասնավորապես հայ մարդու մտածողության անկյունաքարային բաղադրիչներին:

Չտիրապետելով դրանց, հնարավոր չէ Սահմանադրությունը գրից վերածել գիտակցության և հոգեբանության: Իհարկե, կարելի է անվերջ խոսել կարևորության մասին, թեմայի շուրջ կազմակերպել անվերջ թրեյնինգներ, ֆորումներ և այլն, հավաքվել «մենք մերոնցով» տարատեսակ ձևաչափերով, իսկապես խելոք բաներ էլ ասել, ի վերջո, դա էլ բոլորիս սահմանադրական իրավունքն է»:

Աղբյուրը`   Հակոբ Բադալյան