«Ավելի ճիշտ կլինի՝ իրենց ոչ թե կոչեր անենք վերադառնալու, այլ վերանայենք աշխատավարձը»․ Վիլեն Գաբրիելյան

ՔՊ խմբակցության պատգամավոր Վիլեն Գաբրիելյանն ԱԺ ամբիոնից ելույթի սկզբում անդրադարձավ ընդդիմությանը. «Ես հասկանում եմ, որ որոշակի կարոտով եք վերաբերվում աջ կողմում նստած մեր գործընկերներին: Ինչ վերաբերում է ընդդիմադիրներին, ավելի ճիշտ կլինի՝ մենք իրենց ոչ թե կոչեր անենք վերադառնալու, ավելի լավ է՝ վերանայենք նրանց աշխատավարձը: Ի վերջո ինչի՞ համար էն էս մարդիկ էսքան ժամանակ աշխատավարձ ստացել»: Այնուհետև կարծիք հայտնելով քննարկման ներկայացված «Պաշտպանության մասին» ՀՀ օրենքում փոփոխություններ և լրացումներ կատարելու մասին աղմկահարույց օրենքի վերաբերյալ, որով ԳՇ պետը միաժամանակ պաշտանության նախարարի առաջին տեղակալն է հանդիսանալու, նա ասաց. «Խնդիրը ներկայիս Սահմանադրոթյան մեջ է՝ ՀՀ պաշտպանության մասին օրենքում, որով ըստ էության Պաշտպանության նախարարը պատասխանատվություն է կրում նախապատերազմական իրավիճակում բանակին պատերազմի նախապատրաստելու համար, իսկ վճռական պահին փաստացի դուրս է մնում ղեկավարուման ուղղահայացից: Առաջարկվող նախագծով խնդիրը որոշակիորեն շտկվում է»: