«Երկիրը վաճառել են թշնամուն, հիմա իրականացնում են փոխանցումը». Հայկ Մարտիրոսյան

ԱԺԲ անդամ, քաղաքագետ Հայկ Մարտիրոսյանը գրում է. «Շրի Լանկայի նախագահ Ռաջապաքսան, տեղի տալով ժողովրդական ճնշմանը, այսօր առավոտյան փախել է Մալդիվներ:

Նույն ռեժիմի վարչապետն ինքն իրեն հռչակել է երկրի նախագահի պաշտոնակատար: Ժողովուրդը դրանից ավելի է զայրացել: Կոլոմբոյում բախումներ են և քաոս: Երկրում ճգնաժամն առաջացել է տնտեսական ապակառավարման և կոռուպցիայի արդյունքում:

Շրի Լանկայի ժողովուրդը ոտքի է կանգնել: Շրիլանկացիները գիտեն, որ յուրաքանչյուր ժողովուրդ կամքի պայմաններում անպարտելի է: Եվ որ ինքն է որոշում իր ճակատագիրը:

Հայաստանում երկիրն են վաճառել թշնամուն, հիմա իրականացնում են երկրի փոխանցումը, ժողովուրդը հեշտասեր և տրամաբանազուրկ ամբոխի պես կանգնել, նայում է, թե երբ է խմբովին ուղեկցվելու դեպի սպանդանոց:
Եվ ուղեկցվելու է»: