«Թմրանյութերի շրջանառությունը ՀՀ-ում ահռելի չափերի է հասել». Արթուր Թովմասյան

Հասարակական-քաղաքական գործիչ Արթուր Թովմասյանի գրառումը․ «Նիկոլ աղետաբեր...

Որպեսզի պատկերացնեք, թե ինչ վիճակում է հայտնվել ՀՀ երիտասարդությունն այսօր, ասեմ, որ 2022-ի թվականի առաջին կիսամյակում (հունվար-հունիս) ինքնասպանության միջոցով կյանքից հեռացել է 94 մարդ, որոնց մեծ մասը 25-35 տարեկան երիտասարդներ են, սա աղետ է մեր ազգի համար: Այս ամենի մեղավորությունը նախ և առաջ ՀՀ իշխանություններինն է, երկրորդը՝ հասարակությանը և երրորդը՝ ծնողներինը. բացատրեմ՝ ըստ հերթականության.

1. Իշխանությունների ապիկար աշխատանքի և ոլորտային թույլ կառավարման պատճառով (ԿԳՄՍ և ՈՍ) ՀՀ-ում ահռելի չափերի է հասել թմրանյութերի շրջանառությունը՝ տարբեր թելեգրամ ալիքների միջոցով:

1.1 Երիտասարդների զբաղվածության բացակայությունը և խաղադրույքների խրախուսումը բերել է նրան, որ վերջիններիս միջոցով փող վաստակելը դարձել է համատարած, որն էլ իր հերթին երիտասարդներին դարձրել է խաղամոլ:

2. Հասարակության մեղավորությունը նրանում է, որ չի դատապարտում ՀՀ իշխանությանը, Հայաստանում բարձիթողի վիճակի և տիրող բառդակի համար:

3. Ծնողներին մեղադրելը շատ դժվար է, որովհետև նրանք առավոտից երեկո իրենց արդար քրտինքով և տանջանքով հանապազօրյա հացն են վաստակում և կենցաղային հոգսերով տարված՝ դժվարանում են հսկել երեխայի անցուդարձը, թե նա առօրյայում ում հետ է շփվում և այլն:

Հարգելի՛ ծնողներ, տատիկներ ու պապիկներ, հարգելով ձեզ և ձեր քրտնաջան աշխատանքը, խնդրում եմ ձեզ ավելի շատ ուշադրություն դարձնել երեխաներին, նրանք դրա կարիքը շատ ունեն:

Հ. Գ. «Մայրերի ափի մեջ պիտի փնտրել ազգերի ճակատագիրը»: ՆԺԴԵՀ»: