«Ականատես ենք լինում Հայաստանի ու Թուրքիայի միջև կուլիսային բանակցությունների հերթական էտապի ավարտին». Վ. Գեղամյան

«Ականատես ենք լինում Հայաստանի ու Թուրքիայի միջև կուլիսային վարվող բանակցությունների հերթական էտապի ավարտին, որն ավարտվում է, ըստ էությամբ, այդ հեռախոսազանգով:

Ականատես ենք լինում արագացված տեմպերով Թուրքիայի կողմից առաջադրված նախապայմանների՝ ՀՀ դե ֆակտո իշխանության կողմից համաձայնեցմանը և դրա հիման վրա թուրքական կողմն էլ որոշակի ցուցադրական քայլեր է անում, բայց ոչ՝ բովանդակային, որոնք հնարավորություն են տալու ՀՀ դե ֆակտո իշխանություններին հանրությանն ասել, որ մենք առաջ ենք գնում առանց նախապայմանների օրակարգով, մինչդեռ այդպես չէ»,- հայտարարել է թուրքագետ Վարուժան Գեղամյանը՝ անդրադառնալով Հայաստանի և Թուրքիայի ղեկավարների հեռախոսազրույցին, սահմանը՝ երրորդ երկրների քաղաքացիների համար բացելու հարցին: