«Ո՞վ է էն իշխանությունը, որ պիտի ասի՝ չի՛ կարելի, անհնա՛ր է»․ Լևոն Բարսեղյան

«Ասպարեզ» մամուլի ակումբի նախագահ Լևոն Բարսեղյանի գրառումը. «Հատիսի գագաթին «գործ են անում», իմացար ...
Եթե մեկին կարելի է Հատիսի գագաթն իր հուշարձաններով ավիրել, ուրեմն ցանկացած մեկին կարելի է ցանկացած հուշարձան ավիրել: Ինչքան գագաթն ավիրողն է պատասխան տալու, այնքան էլ՝ մյուսները: Փորձվեք ասեք՝ չէ: Էլ չեմ խոսում ապօրինի շինարարության մասին՝ սեփական տարածքում կամ համայնքային կամ պետական տարածքում, շինթույլտվություն են պահանջում, նախագիծ, տուրքեր, առը հա:
Իսկ անհնար է՞, որ առավոտ ելնենք, տեսնենք, որ Մատենադարանի տեղում լողավազան են սարքել: Ո՞վ է էն իշխանությունը, որ պիտի ասի՝ չի կարելի, անհնար է: Էս կարգի բառդա՞կ: Էս կարգի՞ բառդակ ...
Էգուց, որ պատերազմ եղավ, արդար կլինի, որ Շրջակա միջավայրի նախարարության ու ԿԳՄՍ-ն ու կառավարությունը էս բոլդոզերները, էքսկավատորներն ու Գերաշնորհ ու վերապատվելի Ծառուկյանին թող առնեն, գնան էս ավերակները պաշտպանեն, այդպես արդար կլինի: Հոգնեցինք այ մարդ, կա՞ հիմարության սահման, թե՞ էս քամբախնոցում մարդկանց գրած օրենքներն էլ չեն գործում, բնության օրենքներն էլ չեն գործում ...»։