Անկարան հավաստիացնում է, թե Մոսկվան կապ չունի Օդեսայի նավահանգստի հրթիռակոծության հետ
1073 Շաբաթ, 23 հուլիսի, 2022 թ., 21:18 Վաշինգթոնն ու Կիևը Մոսկվային են մեղադրում Օդեսայի նավահանգստի մոտ տեղի ունեցած հրթիռային հարվածների և պայթյունների համար։ Թուրքիայի պաշտպանության նախարարության ղեկավար Հուլուսի Աքարը պատասխանել է Ռուսաստանի հասցեին հնչող քննադատություններին։ «Մեր շփման ընթացքում ռուսները մեզ ասացին, որ իրենք բացարձակապես կապ չունեն այս հարձակման հետ», - ասել է Աքարը։ Նրա խոսքով՝ Կրեմլը «որքան հնարավոր է ուշադիր ու մանրամասն ուսումնասիրում է այդ հարցը»։ Տեղեկությունը հայտնում է Reuters-ը։ Օդեսայի նավահանգստում հրթիռային հարձակման մասին լուրը մեկնաբանել է նաև Միավորված ազգերի կազմակերպության (ՄԱԿ) գլխավոր քարտուղար Անտոնիո Գուտերեշը։ Նա «միանշանակ դատապարտում է» այս հարձակումը, շեշտում է պաշտոնական կայքը։ Նրա կարծիքով՝ հարվածները սպառնում են նախօրեին Ստամբուլում ստորագրված «հացահատիկի համաձայնագրի» պայմանները կատարելու հնարավորությանը։ Միաժամանակ, Ուկրաինայի նախագահ Վլադիմիր Զելենսկին վստահ է, որ տեղի ունեցողի մեղավորը հենց Ռուսաստանն է։ Այսպիսով, Մոսկվան ցույց է տալիս իր պատրաստակամությունը «կատարել հացահատիկի արտահանման վերաբերյալ պայմանավորվածությունները»։ «Սա միայն մեկ բան է ապացուցում. ինչ էլ որ Ռուսաստանը ասի և խոստանա, այն չկատարելու ուղիներ կգտնի»,- գրել է նա իր անձնական Telegram ալիքում։ Ավելի վաղ Ռուսաստանի Պաշտպանության վերահսկողության ազգային կենտրոնի ղեկավար Միխայիլ Միզինցևը նախազգուշացրել էր Ուկրաինայի նավահանգիստներում ականների բարձր վտանգի մասին։ Նա մեղադրել է Կիևին, որ հրետակոծության բարձր ռիսկերի պատճառով արտասահմանյան ավելի քան 70 նավ հնարավորություն չունեն ազատորեն բաց ծով դուրս գալու։ Նրա խոսքով՝ օտարերկրյա նավերը շարունակում են արգելափակված մնալ Խերսոնում, Նիկոլաևում, Չեռնոմորսկում, Օչակովում, Օդեսայում և Յուժնիում։ |
«Բաքվի հերթական պահանջները». Արմենուհի Վարդանյան
4902:30«Կարելի է միայն ենթադրել, թե ինչեր է երգել Արայիկ Հարությունյանը»․ Ստեփան Դանիելյան
194Երեկ, 17:30«Տավուշն առաջին թիրախն է, երկրորդն արդեն Արարատը կլինի»․Տիգրան Աբրահամյան
123Երեկ, 17:24«Մեկ րոպե ուշացումը կործանարար է»․ Էդգար Ղազարյան
152Երեկ, 17:18Բողոքի ակցիա՝ կառավարության շենքի դիմաց (տեսանյութ)
148Երեկ, 16:54«Շատերը կասեն, թե Բագրատ Սրբազանը ռիսկ էր»․ Հակոբ Բադալյան
146Երեկ, 16:48«ՀՀ լինելիության հարցն ենք լուծում և լուծելու ենք»․ Նիկոլ Փաշինյան (տեսանյութ)
152Երեկ, 16:30«Ուրախալի է, որ Հայաստանն ու Ադրբեջանը սահմանազատման հետ կապված պայմանավորվածություն են ձեռք բերել»․ Շոլց
220Երեկ, 16:24