Ավետիք Չալաբյանն Արմավիր ՔԿՀ-ից ուղերձ է հղել

Հասարակական-քաղաքական գործիչ Ավետիք Չալաբյանի կինը՝ Անահիտ Ադամյանը, այսօր՝ հուլիսի 25-ին, հրավիրված ասուլիսի ժամանակ ընթերցել է Ավետիք Չալաբյանի ուղերձն Արմավիր ՔԿՀ-ից. ««Արդեն 2.5 ամիս է, ինչ ես գտնվում եմ մեր երկրում իշխող ապազգային վարչակարգի պատանդի կարգավիճակում։ Եթե այս ամենի սկզբում դեռ կասկածներ կարող էին լինել կատարվողի էության մասին, ապա հիմա փաստերն ակնհայտ են դարձնում իմ և արդեն նաև ընտանիքիս հետ տեղի ունեցող կազմակերպված հաշվեհարդարը։ Սակայն իմ դեպքը, ընդամենը մի օղակն է բռնաճնշումների այն երկար շղթայի, որը վերջին չորս տարիների ընթացքում, բայց մանավանդ վարչակարգի կողմից անփառունակ տանուլ տված պատերազմից հետո, տեղի են ունենում հայրենասեր և արժանապատիվ քաղաքացիների նկատմամբ՝ շարքային զինվորից սկսած մինչև երկրի նախկին նախագահ։ Այս ամենը տեղի է ունենում արևմտյան բազմաթիվ կառույցների լուռ հայացքի ներքո, որոնք կարծես մոռացել են ժողովրդավարության և օրենքի գերակայության հաստատման վերաբերյալ իրենց ֆունդամենտալ հանձնառությունները, և ելնելով միայն իրենց հայտնի աշխարհաքաղաքական նկատառումներից, թողտվությամբ են նայում մեր երկրում ծավալվող ապօրինությունների խրախճանքի վրա»: