«Կան արտաքին ուժեր, որոնք ուզում են նոր պատերազմ Հայաստանի և Ադրբեջանի միջև»․ Ստեփան Դանիելյան

«Կան արտաքին ուժեր, որոնք ուզում են՝ նոր պատերազմ լինի Հայաստանի և Ադրբեջանի միջև, և այդ պատերազմում ներգրավեն արդեն ավելի լուրջ տարածաշրջանային ուժեր, և մենք կարող ենք ունենալ ավելի դաժան իրավիճակ , քան այն, ինչ որ Ուկրաինայում է»,- 168TV-ի «Ռեվյու» հաղորդման ժամանակ ասել է քաղաքագետ Ստեփան Դանիելյանը։

«Մենք պետք է մի շատ պարզ սկզբունք հասկանանք․ չկան բարեկամներ, թշնամիներ, կան երկրներ, որոնցից ամեն մեկն իր շահն ունի և ստրատեգիական դաշնակցի մասին նախկին պատկերացումները հիմա գոյություն չունեն։ Եթե առաջ ինչ-որ առումով կարելի էր ասել գոյություն ուներ, երբ որ երկբևեռ աշխարհ էր և երկու բևեռը գաղափարականացված էին, այդ ժամանակ ինչ-որ առումով դաշնակցային հարաբերություններ գոյություն ունեին»,- նշել է նա։